2012, നവംബർ 28, ബുധനാഴ്‌ച

തിരുനാള്‍ ആഘോഷിച്ചു.


തൊടുപുഴ ഈസ്റ്റ്‌ വിജ്ഞാനമാതാ പള്ളിയില്‍ തിരുനാള്‍ ആഘോഷിച്ചു. കെഎസ്‌ടി ചെയര്‍മാന്‍ ഫാ. ജോസ്‌ അഞ്ചാനിക്കല്‍ തിരുനാള്‍ പാട്ടുകുര്‍ബാന അര്‍പ്പിച്ച്‌ സന്ദേശം നല്‍കി. 

തൊടുപുഴ ഈസ്റ്റ്‌ വിജ്ഞാനമാതാ പള്ളിയില്‍ തിരുനാളിനോട്‌ അനുബന്ധിച്ച്‌ പ്രദക്ഷിണം നടന്നു


തൊടുപുഴ ഈസ്റ്റ്‌ വിജ്ഞാനമാതാ പള്ളിയില്‍ തിരുനാളിനോട്‌ അനുബന്ധിച്ച്‌ പ്രദക്ഷിണം നടന്നു. പ്രദക്ഷിണത്തില്‍ നൂറുകണക്കിന്‌ വിശ്വാസികള്‍ പങ്കെടുത്തു. വികാരി ഫാ. ജോസ്‌ മത്തായി മൈലടിയാത്ത്‌, ഫാ. മാനുവല്‍ പിച്ചളക്കാട്ട്‌, വിവിധ ഇടവക വികാരിമാര്‍ തുടങ്ങിയവര്‍ നേതൃത്വം നല്‍കി. 

ക്രൈസ്‌തവ ദേവാലയത്തില്‍ വിദ്യാരംഭം നടത്തിയത്‌ ശ്രദ്ധേയമായി

തൊടുപുഴ : ക്രൈസ്‌തവ ദേവാലയത്തില്‍ വിദ്യാരംഭം നടത്തിയത്‌ ശ്രദ്ധേയമായി . തൊടുപുഴ ഈസ്റ്റ്‌ വിജ്ഞാനമാതാ പള്ളിയിലാണ്‌ തിരുനാളിനോട്‌ അനുബന്ധിച്ച്‌ കുട്ടികളുടെ വിദ്യാരംഭം നടന്നത്‌. പള്ളി രൂപം കൊണ്ട്‌ നാള്‍ മുതല്‍ ഇവിടെ കുട്ടികളെ എഴുത്തിനിരുത്തി വരുന്നു. വിജ്ഞാന മാതാവിന്റെ നാമദേയത്തിലുള്ള കേരളത്തിലെ ഏക ദേവാലയമാണിത്‌. ഇന്നലെ നടന്ന വിദ്യാരംഭ ചടങ്ങില്‍ അന്‍പതോളം കുട്ടികള്‍ പങ്കെടുത്തു. ഇടവകക്ക്‌ പുറത്തു നിന്നും നിരവധി കുട്ടികള്‍ വിദ്യാരംഭത്തിന്‌ എത്തിയിരുന്നു. വികാരി ഫാ. ജോസ്‌ മത്തായി മൈലടിയാത്ത്‌, ന്യൂമാന്‍ കോളേജ്‌ ബര്‍സാര്‍ ഫാ. മാനുവല്‍ പിച്ചളക്കാട്ട്‌ എന്നിവരാണ്‌ കുട്ടികളെ ആദ്യാക്ഷരം കുറിപ്പിച്ചത്‌.

2012, നവംബർ 18, ഞായറാഴ്‌ച

മുതലക്കോടം സെന്റ്‌ജോര്‍ജ്‌ ഫൊറോന പള്ളിയുടെ മഹാജൂബിലി സമാപന ആഘോഷങ്ങള്‍ സമാപിച്ചു.

ദൈവകൃപയുടെ 700 വര്‍ഷങ്ങള്‍ പൂര്‍ത്തിയാക്കിയ മുതലക്കോടം സെന്റ്‌ജോര്‍ജ്‌ ഫൊറോന പള്ളിയുടെ മഹാജൂബിലി സമാപന ആഘോഷങ്ങള്‍ ഭക്തിനിര്‍ഭരമായ ചടങ്ങുകളോടെ സമാപിച്ചു. സമാപനത്തോട നുബന്ധിച്ചു വൈകുന്നേരം അഞ്ചിനു പള്ളിയങ്ക ണത്തില്‍ നടന്ന സമ്മേളനം ജലവിഭവമന്ത്രി പി.ജെ.ജോസഫ്‌ ഉദ്‌ഘാടനം ചെയ്‌തു. കോതമംഗലം രൂപതാധ്യക്ഷന്‍ മാര്‍.ജോര്‍ജ്‌ പുന്നക്കോട്ടില്‍ യോഗത്തില്‍ അധ്യക്ഷത വഹിച്ചു. ജൂബിലി ഭവന താക്കോല്‍ ദാനം മുട്ടപ്പിള്ളില്‍ മത്തായിദേവസ്യക്കു താക്കോല്‍ കൈമാറി പി.ടി തോമസ്‌ എം.പി നിര്‍വഹിച്ചു. കുട്ടിക്കാനം മരിയന്‍ കോളജ്‌ പ്രിന്‍സിപ്പല്‍ പ്രഫ.ഡോ. റൂബിള്‍രാജ്‌ മുഖ്യപ്രഭാഷണം നടത്തി. ഡിബ്രുഗാര്‍ രൂപത വികാരി ജനറാള്‍ ഫാ.ജോയി പള്ളിക്കു ന്നേല്‍, നഗരസഭചെയര്‍മാന്‍ ടി.ജെ ജോസഫ്‌, ജീസസ്‌ യൂത്ത്‌ ഇന്റര്‍നാഷണല്‍ കോ- ഓര്‍ഡി നേറ്റര്‍ അഡ്വ.റൈജു വര്‍ഗീസ്‌, മാതൃദീപ്‌തി രൂപതാ പ്രസിഡന്‍റ്‌ ആനി ജോസഫ്‌ ഇളയിടം, എകെസിസി സംസ്ഥാന സെക്രട്ടറി അഡ്വ.ബിജു പറയന്നിലം, മുതലക്കോടം ഹോളിഫാമിലി ആശുപത്രി അഡ്‌മിനിസ്‌ട്രേറ്റര്‍ സിസ്റ്റര്‍ മേഴ്‌സി കുര്യന്‍, മിഷന്‍ലീഗ്‌ രൂപതാപ്രസിഡന്റ്‌ജിബിന്‍ പുല്‍ പറമ്പില്‍, മുതലക്കോടം സെന്റ്‌ ജോര്‍ജ്‌ എച്ച്‌എസ്‌എസ്‌ പ്രിന്‍സി പ്പല്‍ ജോര്‍ജ്‌ കേളകം, മാതൃദീപ്‌തി ഫൊറോന പ്രസിഡന്റ്‌ ലൂസി മൈക്കിള്‍ തുടങ്ങിയവര്‍ പ്രസംഗി ച്ചു. വികാരി റവ.ഡോ ജോര്‍ജ്‌ ഓലിയപ്പുറം സ്വാഗതവും റിട്ട. പ്രഫ. ജോജോ പാറത്തലയ്‌ക്കല്‍ നന്ദിയും പറഞ്ഞു. 
മുതലക്കോടം സെന്റ്‌ ജോര്‍ജ്ജ്‌ ഫൊറോന പള്ളി മഹാജൂബിലിയോടനുബന്ധിച്ച്‌ നടന്ന പൊതുസമ്മേളനത്തിന്‌ തുടക്കം കുറിച്ചുകൊണ്ടുള്ള സ്വാഗതനൃത്തം ശ്രദ്ധേയമായി. ജൂബിലിയുമായി ബന്ധപ്പെട്ട്‌ വാക്കുകള്‍ കോര്‍ത്തിണക്കിയുള്ള ഗാനമാണ്‌ രംഗത്ത്‌ അവതരിപ്പിച്ചത്‌.